पछिल्लो २४ घण्टामा ७८२ जना नयाँ संक्रमित थपिए

३ पुष २०७७ | राष्ट्रिय


काठमाडौं । पछिल्लो २४ घण्टामा देशभर कोरोनाका ७८२ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयले शुक्रबार जनाए अनुसार, योसहित हालसम्म संक्रमितको संख्या २ लाख ५२ हजार ४७४ पुगेको छ । त्यस्तै सकृय संक्रमितको संख्या ९३१७ मा झरेको छ भने क्वारेन्टीनमा बस्नेहरुको संख्या ४२७ रहेको छ ।

मन्त्रालयका अनुसार, पछिल्लो २४ घण्टामा १०२९ जना निको भएका छन । योसँगै संक्रमणमुक्त हुनेहरुको संख्या २४१३९२ पुगेको छ ।

त्यस्तै पछिल्लो २४ घण्टामा थप १६जना कोरोना संक्रमितको मृत्यु भएको छ । योसहित हालसम्म संक्रमणबाट मृत्यु हुनेको संख्या १७६५ पुगेको स्वास्थ्य तथा जनसंख्या मन्त्रालयले शुक्रबार जनाएको छ ।

यसअघि बिहिबार ६ जनाको मृत्यु भएको थियो । उनीहरुको देशका बिभिन्न स्थानमा रहेका अस्थायी कोरोना अस्पतालमा उपचारका क्रममा मृत्यु भएको मन्त्रालयले जनाएको छ ।

तपाईको विचार